Бидний хэрэгжүүлсэн төслүүд

2002 оноос хатагтай Гриет Талпе, ноён Этиенн Каестекер нар Улаанбаатар хот дахь Вербист халамжийн төвийн асрамжинд байсан 36 хүүхдийг санхүүгийн хувьд үрчлэн авч Монголд тусалж дэмжих ажлаа эхлүүлсэн билээ. Тэдгээр хүүхдүүдийн хэрэгцээ шаардлага, ирээдүйн төлөө олон төслүүдийг хэрэгжүүлснээс товчхон танилцуулж байна.

Achievement 1 picture
Achievement 2 picture
Achievement 3 picture

2004-2018 онд Боловсролыг дэмжсэн төслүүд:

Энэ чиглэлээр хэрэгжүүлсэн төслүүдийн дэмжлэгийн үрээр 36 хүүхэд залуус Монголд болон БНСУ, ХБНГУ-д их дээд сургуулиуд, коллежид суралцан мэргэжил эзэмшсэн.

Achievement 4 picture
Achievement 5 picture
Achievement 6 picture
Achievement 7 picture

2006-2014 онд Эрүүл мэнд, эмчилгээний төслүүд:

6 хүүхэд уг төсөлд хамрагдан эмчилгээ хийлгэж эрүүл саруул болсон

2009-2018 Залуусыг дэмжих төсөл:

Цаг хугацаа өнгөрсөөр, хүүхдүүд бүгд өөр өөрийн хүсэл сонирхол, зорилго тэмүүлэлтэй залуус болон өсөж торнисон. Тэдний мөрөөдөл, хүсэлтийн дагуу хэд хэдэн старт-ап, бичил бизнесийн төслүүдийг санхүүжүүлсэн. Үүнд: үсчин гоо сайхны Дива салон, интернет кофе ба хэвлэх үйлчилгээний төв, хөдөлгөөнт сувилахуйн үйлчилгээ, түлш худалдаалах цэг, туулайн аж ахуй, малчин өрх гэх мэт.

Achievement 8 picture
Achievement 9 picture
Achievement 10 picture
Achievement 11 picture
Achievement 12 picture
Achievement 13 picture

Түүнчлэн нас бие гүйцсэн залуус өөрсдийн гэр бүлийг үүсгэн хамтын амьдралаа эхлэхтэй зэрэгцүүлэн амьдрах байрны асуудлыг шийдэх чиглэлийн төслүүд хэрэгжүүлэх болсноор 10 өрхийг гэр, газар, хашаа байшинтай болгосон.

Achievement 14 picture
Achievement 15 picture
Achievement 16 picture

2016 оноос өнөөг хүртэл “Гүүд партнерс” ХЗХ:

Монгол улсын хуулийн хүрээнд гишүүддээ үйлчилдэг, тэдний санхүүгийн хэрэгцээ шаардлагыг хангахад чиглэсэн ХЗХоршоонд 34 залуусыг гишүүнээр элсэхэд нь дэмжиж байсан нь өдгөө эдгээр залуусын гэр бүлүүдийн 100 гаруй хүний санхүүгийн хэрэгцээнд үйлчилж байна. Гишүүддээ хөгжлийн дараагийн түвшинд хүрэх зорилго мөрөөдлөө биелүүлэхэд нь дэмжлэг үзүүлэх хөнгөлөлттэй, хүү багатай, уян хатан зээлийн нөхцлийг бий болгосноор сургалтын (2 зээл), хувийн болон гэр бүлийн бизнес хөгжлийн (8 зээл), шинэ байр, гэр худалдан авах (17 зээл) зэрэг зээлүүд олгогдоод амжилттай хэрэгжиж байна.

Achievement 17 picture

2008-2018 онд “Баян Монгол” төсөл:

Нийгэм эдийн засгийн ихээхэн үр нөлөөтэй уг төсөл нь залуу малчид, гэр бүлүүдийг дэмжих, улмаар тэдний амьдралын чанарыг сайжруулснаар хот руу чиглэсэн нүүдлийг сааруулахад хувь нэмрээ оруулах, уламжлалт ахуй, амьдралын хэв маягаа хадгалахад нь туслан дэмжих үндсэн зорилгыг агуулж байсан. Энэ хүрээнд бид 130 гаруй малчин өрхүүдийг дэмжсэнээр төслийн хугацаанд 15000 толгой хонийг малчид өөрсдийн өмчлөлд хүлээн авч амьдралын чанараа сайжруулан, эдийн засгийн өгөөжийг хүртсэн билээ.